Bunge la Katiba-Mjadala wa Rasimu- Siku ya kwanza

Baada ya zaidi ya siku thelathini baada ya Bunge la Katiba kuitishwa rasmi Dodoma tarehe 18 Februari 2014, leo tumeanza kujadili rasimu ya katiba.
Ikumbukwe hapo awali tulikuwa tumelenga kuwa na katiba mpya ifikapo tarehe 26 Aprili, 2014 siku ambayo tunaadhimisha miaka 50 ya Muungano wa Tanganyika na Zanzibar.

Zoezi la kuandaa kanuni limetuchukua muda mrefu sana kutokana na mvutano uliokuwepo katika makundi mbalimbali. Hata hivyo, suala la upigaji kura, tumeshindwa kufikia muafaka na hivyo kuamua kutumia kura za siri na wazi kwa wakati mmoja.

Leo uchambuzi wa rasimu ya katiba umeanza rasmi kwa kupitia sura ya kwanza na sita. Sura hizi ndio zinazobeba muundo wa Serikali. Inabidi tuamue hili kwanza kabla ya mambo mengine kujadiliwa. Kamati zote kumi na mbili zimejadili sura hizi mbili.

Siku ya leo imekuwa na mjadala mzito na mvutano kuhusu muundo na aina ya Muungano. Wapo waliokuwa wanashabikia Serikali mbili na waliokuwa wanapigia debe Serikali tatu. Kila msemaji alijaribu kujenga hoja kwa kutumia nyaraka mbalimbali ikiwa ni pamoja na randama ya Tume ya Katiba, rasimu ya katiba, majarida na vitabu mbalimbali.

Kilichojitokeza zaidi leo ni pamoja na ujengaji wa hoja bila kufanya utafiti wa kina; malumbano ya makundi ya kisiasa na ukosefu wa subira wa baadhi ya wajumbe kwa wachangiaji wenye mtazamo tofauti.

Kesho tutahitimisha mjadala wa sura ya kwanza na ya sita kwa kupiga kura.
Hitimisho la mjadala huu ndio utakuwa dira ya katiba inayopendekezwa.

Tukutane tena kesho kwa taarifa zaidi.

About Faustine

#Medical Doctor #Microbiologist # Public Health Specialist #Politician #African #Proud Tanzanian
This entry was posted in Uncategorized and tagged , , , , . Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s