Ujenzi wa daraja la Kigamboni

Nimepokea kwa furaha kubwa sana taarifa ya uwekaji saini mkataba wa ujenzi wa daraja kati ya mkandarasi na NSSF.
China Railways Construction Engineering Group kwa ushirikiano na China Major Bridges wameshinda zabuni ya kujenga daraja hili lenye urefu wa mita 680 lenye njia sita kwa gharama za TSh 214.6. Ujenzi utachukuwa miezi thelathini na sita.
Kukamilika kwa barabara hii kutaleta maendeleo na kwa kiasi kikubwa litapunguza gharama za maisha kwa wakazi hao. Katika hili nawapa pongezi Wizara ya Ujenzi kufanya shughuli zake za msingi kwa vitendo. Nawapa pongezi pia NSSF kufanikisha mchakato huu kuanza kwa kutoa asilimia 60 ya gharama hizi. Ushiriki wa NSSF ni mfano mzuri wa ushirikishaji wa sekta binafsi (PPP).
Wananchi wa Kigamboni tutatoa ushirikiano kuhahakisha daraja hili linakamilika katika muda uliopangwa.
Mungu ibariki Tanzania Mungu Ibariki Kigamboni